Cwmni theatr crwydrol yw National Theatre Wales sy’n bodoli i ddarganfod ac adrodd straeon mwyaf grymus Cymru a’i phobl. Mae’n ddrych ac yn chwyddwydr i bawb ohonon ni.

Dydyn ni ddim wedi ein clymu i adeilad. Mae hynny’n rhoi’r rhyddid i ni wneud popeth yn greadigol, gan gysylltu pobl, llefydd a syniadau i ddod â straeon yn fyw.

Fe gawson ni ein sefydlu yn 2011, a’n gwaith ni yw creu cymuned ledled y wlad o wneuthurwyr theatr a chynulleidfaoedd, gan groesawu pobl o bob cefndir. TEAM; dyma ein ffordd o weithio gyda chymunedau, ac mae’n allweddol yn hyn o beth. Mae’n creu cyfleoedd creadigol i bobl a allai fod wedi meddwl erioed nad yw’r theatr yn rhywbeth iddyn nhw.

Rydyn ni’n elusen gofrestredig (rhif 1127952) ac rydyn ni’n dibynnu ar haelioni rhoddwyr allanol er mwyn ffynnu.

Mae popeth yn dechrau gyda sgwrs yma yn NTW, ac rydyn ni wastad yn awyddus i glywed gan bawb a hoffai gymryd rhan.