Mae 2024/25 wedi bod yn flwyddyn brysur i’r tîm. Dyma oedd blwyddyn gyntaf ein cytundeb cyllido amlflwyddyn gyda Chyngor Celfyddydau Cymru, a oedd yn golygu ein bod yn gallu cynyddu ein gwasanaethau a’n cefnogaeth i aelodau. Dyma rai o uchafbwyntiau’r flwyddyn:

Bwrsariaethau a Chefnogaeth i Aelodau

• Cynnig bwrsariaethau agored i aelodau fynychu cynadleddau, sioeau a gwyliau.
• Cefnogi presenoldeb yng Nghynhadledd AMA, Expo Gwerin y DU a Chynhadledd Cynhyrchu Refeniw Theatr y DU.
• Darparu llety â chymhorthdal a chyfleoedd rhwydweithio yng Ngŵyl Caeredin.

Cynllun Dawns ar Daith Wledig

• Gweithio mewn partneriaeth â RDTI i gynyddu perfformiadau dawns yng nghefn gwlad Cymru.
• Sicrhau cyllid ar gyfer rhaglenni dawns gyfoes â chymhorthdal mewn tri lleoliad yn 2025-2026.
• Ceisio ehangu cynulleidfaoedd dawns a hyrwyddo cynhwysiant.

Ehangu Ymgysylltiad a Hygyrchedd

• Datblygu Polisi Amrywiaeth ar gyfer Siaradwyr.
• Cwblhau rhaglen Gwrth-hiliaeth yn y Celfyddydau Cyngor Hil Cymru, Mentora o Chwith.
• Trefnu Fforymau Mynediad i drafod lleoliadau heb arian parod, ymwybyddiaeth o anabledd a chynlluniau hygyrchedd.
• Rhedeg Hyfforddiant Cydraddoldeb Anabledd a Gwasanaeth i Gwsmeriaid.
• Curadu siaradwyr ar gyfer y Symposiwm Hynt a chydlynu hyfforddiant hygyrchedd.
• Gweithio gyda chydweithwyr ledled y DU ar ddatblygu’r cynllun mynediad cenedlaethol ‘All In’.
• Mae Hynt wedi cyrraedd rownd derfynol categori Diwylliant Gwobrau Dewi Sant

Mentrau Iaith Gymraeg

• Mae cyfieithu yn 50% o’r cyfarfodydd aelodau bellach, gyda chynlluniau i gynyddu hyn ymhellach.
• Gweithio tuag at ein statws Cynnig Cymraeg.

Cyfiawnder Hinsawdd a Chynaliadwyedd

• Cyflawni sgôr A am effaith carbon gwefan.
• Sefydlu proses monitro moesegol ar gyfer cyflenwyr.
• Cefnogi digwyddiadau Theatrau yng Nghymru a’r Argyfwng Hinsawdd.
• Gweithio mewn partneriaeth â’r Theatre Green Book i ehangu ei ddefnydd yng Nghymru.
• Sicrhau cyllid Cyngor Celfyddydau Cymru ar gyfer Hyrwyddwr Theatre Green Book Cymru a digwyddiadau hyfforddi cysylltiedig.
• Gweithio mewn partneriaeth ar ymchwil i bwyntiau gwefru cerbydau trydan mewn lleoliadau celfyddydol.

Cynhadledd Creu Cymru

• Cynnal cynhadledd ddeuddydd lwyddiannus yng Nghanolfan y Celfyddydau Aberystwyth.
• Siaradwyr a gweithdai uchel eu proffil.
• Adborth cadarnhaol ar strwythur y digwyddiad, cyfleoedd rhwydweithio, a dull gweithredu dwyieithog.

Hyfforddiant a Datblygu

• Cynnal digwyddiadau rhannu gwybodaeth ar werthoedd sefydliadol, gwirfoddoli, a Rhyddhad Treth Theatr.
• Cynnal Rhaglen Llesiant 6 wythnos am ddim, yn ymdrin â gwydnwch, rheoli straen a hunanofal.
• Gweithio mewn partneriaeth â PiPA i gyflwyno Menter PiPA Cymru i wella amodau i rieni a gofalwyr yn y celfyddydau.
• CIISA (Awdurdod Safonau Annibynnol y Diwydiannau Creadigol) Mae Louise wedi parhau i fynychu a chyfrannu at weithgor CIISA wrth i’r Safonau gael eu datblygu.

Eiriolaeth a Dylanwadu ar Bolisi

• Ymgysylltu â Phwyllgor Diwylliant y Senedd a Llywodraeth Cymru ar heriau cyllido.
• Cyflwyno tystiolaeth i ymgynghoriad Blaenoriaethau Llywodraeth Cymru ar gyfer Diwylliant.
• Mynychu Gwobrau Sky Arts, oherwydd bod Yvonne wedi cael ei henwebu ar gyfer Gwobr Arwr y Celfyddydau.
• Cyfrannu at astudiaeth achos EDI Creative UK ar hygyrchedd.

Ymchwil i Heriau’r Sector

• Cynnal ymchwil i effaith toriadau cyllid a chostau cynyddol ar y gweithlu, lleoliadau a chynulleidfaoedd.
• Canfod tueddiadau sy’n effeithio ar gyflogau, recriwtio, costau ynni, ac allgymorth cymunedol.