Theatr Genedlaethol Cymru yw'r cwmni theatr cenedlaethol iaith Gymraeg.  Rhoi theatr Gymraeg wrth galon y genedl yw gweledigaeth Theatr Genedlaethol Cymru.  Ryym yn creu a chyflwyno cynyrchiadau theatr gyda'r nod o gyffroi, diddanu a thanio dychymyg ein cynulleidfaoedd.  Rydym hefyd yn creu cyfleoedd sy'n fodd i feithrin ac ysbrydoli'r genhedlaeth nesaf o artistiaid theatr Cymraeg ynghyd â chyfleoedd i bobl ledled Cymru brofi effaith drawsnewidiol creadigrwydd yn eu bywydau.

Mae Theatr Genedlaethol Cymru yn gwmni theatr teithiol sy'n cynhyrchu theatr graddfa ganolig a graddfa fechan, sy'n cael ei gyflwyno mewn canolfannau ar draws Cymru.  Rydym hefyd yn cynnal rhaglen eang o weithgareddau ymgyfranogol a datblygu sgiliau.