Mae Frân Wen yn gwmni theatr wedi ei leoli yng Ngogledd Cymru sy'n creu theatr eofn gyda ac ar gyfer plant a phobl ifanc.

Rydym yn dod â phobl ifanc, artistiaid a chymunedau at ei gilydd gan wrando a siarad am yr hyn mae'n ei olygu i fod yn ifanc yng Ngogledd Orllewin Cymru heddiw gan ymateb trwy greu theatr eofn yn yr iaith Gymraeg. Rydym yn rhannu'r profiad mor eang ag y gallwn ddychmygu gan ein bod yn credu y gall pawb ddysgu gan bobl ifanc, artistiaid a chymunedau sydd am greu dyfodol newydd. Rydym yn grymuso pobl ifanc, artistiaid a chymunedau i fentro a mynd y tu hwnt i'r amlwg oherwydd mae wastad rhywbeth newydd i'w ddarganfod.