Archwilio. Dysgu. Tyfu.
Rhaglen Cyfnewid Staff Swits yw eich cyfle i ehangu eich sgiliau, adeiladu eich rhwydwaith, ac edrych o’r newydd ar sector y celfyddydau yng Nghymru.
Beth yw’r rhaglen Swits?
Mae Swits yn rhaglen gyfnewid datblygiad proffesiynol ar gyfer staff ar ddechrau eu gyrfa sy’n gweithio mewn rolau technegol, gweinyddol, neu artistig yn y sefydliadau sy’n aelodau. Os oes gennych lai na 5 mlynedd o brofiad mewn theatr neu gwmni cynhyrchu, yna mae hyn i chi.
P’un a ydych yn weinyddwr sy’n chwilfrydig ynglŷn â rhaglennu, neu’n ddechreuwr newydd sy’n awyddus i weld sut mae pobl eraill yn eich rôl chi’n gweithredu, mae Swits yn eich helpu i gamu i fyd sefydliad arall, cael profiad ymarferol, a dysgu mewn sefyllfa go iawn.
Pam Cymryd Rhan?
- Dysgu gan gymheiriaid
- Hyfforddiant yn y gwaith
- Datblygu sgiliau
- Gwydnwch y sector a llesiant staff
Byddwch yn cael dealltwriaeth ddyfnach o’r celfyddydau yng Nghymru tra’n cryfhau eich llwybr gyrfaol. Mae hefyd yn ffordd bwerus o gysylltu â phobl eraill, yn enwedig wrth i sefydliadau ailadeiladu ar ôl y pandemig a’r heriau ariannu.
Beth Fyddwch chi’n ei Gael
Bydd y rhai sy’n cymryd rhan yn treulio 3 diwrnod gyda sefydliad partner ac yn derbyn:
- cyfraniad teithio hyd at £150
- cyfraniad llety hyd at £250
- £15 y diwrnod tuag at gostau dyddiol
- Lleoliad yn seiliedig ar y 3 sefydliad gorau a ddewiswyd gennych chi
Byddwch yn gwneud eich trefniadau teithio a llety eich hun, a thelir unrhyw gostau ychwanegol gan eich cyflogwr.
Pwy All Wneud Cais?
Os ydych yn:
- Gweithio mewn sefydliad sy’n aelod
- Mewn swydd yn gynnar yn eich gyrfa (llai na 5 mlynedd o brofiad)
- Yn angerddol ynglŷn â datblygu eich sgiliau mewn amgylchedd newydd
…byddem wrth ein bodd yn clywed gennych!
Sut i Wneud Cais
Mae’n hawdd gwneud cais! Yn syml iawn:
- Llenwch y ffurflen gais
- Ffurflen cais Cymraeg: https://forms.gle/Etq4ravACL7sbB6g7
- Ffurflen cais Saesneg: https://forms.gle/mnoTHARWoWoRTu767 - Dewiswch eich 3 sefydliad gorau
- Gofynnwch i’ch rheolwr gefnogi eich cais a’i gymeradwyo’n derfynol
Telerau ac Amodau
Mae pedwar cyfle yn y flwyddyn gyntaf. Dyrennir cyfleoedd ar sail y cyntaf i’r felin, cyn belled eich bod yn bodloni’r gofynion a’n bod ninnau’n gallu bodloni eich cais. Un cyfle i bob sefydliad sy’n aelod.
Rydym hefyd yn gofyn i gyfranogwyr ysgrifennu blog / tystlythyr byr am eich profiad er mwyn i ni allu ei ddefnyddio ar wefan Creu Cymru.
Gyda’n Gilydd, Rydym yn Adeiladu Sector Cryfach
Mae’r Rhaglen Swits yn ymwneud â mwy na datblygiad personol —mae’n ymwneud â chreu gweithlu gwydn, amrywiol, a llewyrchus yn y celfyddydau ledled Cymru. Gadewch i ni dyfu gyda’n gilydd.